發表文章
贏在起跑線，真的好嗎？
話說我因為一個電視節目學識咗個新 term：贏在射精前。我覺得用“瘋狂”兩個字嚟形容香港某部份家長，一啲都唔誇張。
話說我因為一個電視節目學識咗個新 term：贏在射精前。我覺得用“瘋狂”兩個字嚟形容香港某部份家長，一啲都唔誇張。
我唔係話要用我細個個年代同現今情況比較，明白社會趨勢改變咗，但當社會趨勢開始變得畸形時，係唔係仲要盲目跟隨？
生活就只係輸贏？
唔想講太多關於有小朋友星期一二三四五六日都有興趣班上嘅例子，我更加擔心係有唔少家長潛移默化地灌輸小朋友生活就係比賽、一定要贏嘅 concept。如果一個小朋友淨係識同人鬥，太過注重輸贏，絕對唔係一件健康嘅事（無論對小朋友本身以至第時社會）。喺父母悉心安排下，小朋友年紀少少一直贏，成為別人眼中的人生勝利組，未有機會經歷失敗同挫折，咁樣真係好咩？父母唔可以陪佢哋一世，小朋友會長大，父母又如何擔保到佢哋一世人順風順水走向人生終點站？
起跑線 VS 終點線
起跑線係贏咗，但決定孩子自信滿滿地走向終點線的關鍵，係內在心態，而呢樣嘢，唔見得同起跑線有咩直接關係。心態決定境界，起跑線唔會跟你一世。
申利：我唔係一個媽咪，如果我第時有小朋友，一定會狠狠提醒自己今日講過嘅說話，盡可能比我小朋友一個愉快、正常嘅童年。
#扭曲的社會價值觀
圖片源自明報
___________________________________________________
FB: 兼職空姐姥姥
___________________________________________________
沒有留言:
張貼留言